ქართულ უნივერსიტეტში გამართული მოსწავლეთა II პირად-გუნდური საგნობრივი ოლიმპიადის შედეგები ყველა საგანში გამოქვეყნდება 2 ივნისს უნივერსიტეტის ვებ-გვერდზე.

სააპელაციო განცხადებები მიიღება 4 ივნისის ჩათვლით #103 ოთახში.
აპელაციების განხილვა მოეწყობა ოთხშაბათს 6 ივნისს 12:00-15:00 საათამდე უნივერსიტეტის #102 ოთახში.

გამარჯვებულთა დაჯილდოება გაიმართება პარასკევს, 8 ივნისს, 18:00 საათზე ქართულ უნივერსიტეტში.
კვირას, 10 ივნისს სამების საკათედრო ტაძარში წირვის შემდეგ საქართველოს კათოლიკოს პატრიარქი დალოცავს ოლიმპიადის ყველა მონაწილეს, მათ მშობლებსა და მასწავლებლებს.

2012 წლის 21 მაისს, 16:00 საათზე ქართულ უნივერსიტეტში გაიმართება სამეცნიერო-მეთოდური სემინარი ”ინფორმაციული ტექნოლოგიები და კომპიუტერული მოდელირება” (ვრცლად) 

პედაგოგთა საყურადღებოდ!

საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის ქართველოლოგიის ცენტრთან ფუნქციონირებს მასწავლებელთა სასერტიფიკაციო გამოცდებისათვის მოსამზადებელი ფასიანი კურსები.
ტრეინინგები ტარდება: ქართულ ენასა და ლიტერატურში, საქართველოს ისტორიასა და პროფესიულ უნარებში.
სასერტიფიკაციო გამოცდებისათვის მომზადების მსურველთ განაცხადის შევსება და ხელშეკრულების გაფორმება შეუძლიათ ქართული უნივერსიტეტის ქართველოლოგიის ცენტრში (თბილისი, ჭავჭავაძის გამზირი 53 ა, ქართული უნივერსიტეტი, ოთახი # 110) ყოველ სამუშაო დღეს დილის 10 საათიდან საღამოს 18 საათამდე.
საკონტაქტო ტელეფონი:  2 60 28 22; 599961992.